டின்பிஸ்சி மற்றும் யுபிஸ்சி போட்டி தேர்வுக்கான அன்றாட தகவல் 30.10.2026

இஸ்ரோவின் NVS-03 செயற்கைக்கோள் ஏவுதல்

இந்திய விண்வெளி ஆய்வு மையமான இஸ்ரோ (ISRO), இந்தியாவின் உள்நாட்டு வழிசெலுத்தல் அமைப்பான NavIC-ன் திறனை மேம்படுத்தும் வகையில் NVS-03 வழிசெலுத்தல் செயற்கைக்கோளை ஸ்ரீஹரிகோட்டாவில் உள்ள சதீஷ் தவான் விண்வெளி மையத்திலிருந்து GSLV-F18 ராக்கெட் மூலம் விண்ணில் செலுத்துகிறது.

இந்திய விண்வெளி ஆய்வு நிறுவனம் (ISRO), இந்தியாவின் உள்நாட்டு வழிசெலுத்தல் அமைப்பான NavIC-ன் திறனை மேம்படுத்தும் நோக்கில் NVS-03 வழிசெலுத்தல் செயற்கைக்கோளை ஸ்ரீஹரிகோட்டாவில் உள்ள சதீஷ் தவான் விண்வெளி மையத்திலிருந்து விண்ணில் செலுத்துகிறது

NVS (Navigation Satellite Series) என்பது இந்தியாவின் இரண்டாம் தலைமுறை வழிசெலுத்தல் செயற்கைக்கோள் வரிசையாகும். இது NavIC அமைப்பின் துல்லியத்தன்மையை மேலும் வலுப்படுத்துகிறது

Navigation with Indian Constellation (முன்னர் IRNSS – Indian Regional Navigation Satellite System என அழைக்கப்பட்டது).

பிஎம் கிசான் (PM-Kisan) திட்டம்

மத்திய அரசு பிரதான் மந்திரி கிசான் சம்மன் நிதித் திட்டத்தின் 24வது தவணைத் தொகையை இன்று (அக்டோபர் 30) வெளியிடுகிறது. இதன் மூலம் நாடு முழுவதும் உள்ள தகுதியான விவசாயிகளுக்கு தலா ₹2,000 வழங்கப்படுகிறது.

அர்னாப் புயல் (Cyclone Arnab)

ஆந்திரப் பிராந்தியக் கடற்கரைப் பகுதிகளில் கரையைக் கடந்த ‘அர்னாப்’ புயலால் ஏற்பட்ட கனமழை மற்றும் சூறாவளி காற்று பாதிப்புகள் குறித்து பேரிடர் மேலாண்மைப் பிரிவின் கீழ் ஆராய்தல் அவசியம்.

நிதியுதவி மற்றும் பேரிடர் மேலாண்மை (SDRF vs NDRF)

SDRF (மாநில பேரிடர் மீட்பு நிதி): பேரிடர் மேலாண்மைச் சட்டம் 2005-ன் படி, முதன்மைப் மீட்பு நடவடிக்கைகளுக்காக மாநில அரசிடம் இருக்கும் முதன்மை நிதி

NDRF (தேசிய பேரிடர் மீட்பு நிதி): கடுமையான பாதிப்புகள் ஏற்படும் போது, SDRF-க்கு கூடுதல் உதவியாக மத்திய அரசால் வழங்கப்படும் நிதி.

நிற அடிப்படையிலான எச்சரிக்கைகள் (Color-Coded Weather Warnings)

இந்திய வானிலை ஆய்வு மையம் (IMD – India Meteorological Department) புயல், கனமழை, வெப்ப அலை மற்றும் கடுமையான வானிலை நிகழ்வுகளின் போது பொதுமக்களுக்கும் பேரிடர் மேலாண்மை அமைப்புகளுக்கும் எச்சரிக்கை விடுக்க 4 வண்ணக் குறியீடுகளைப் பயன்படுத்துகிறது.

பச்சை (Green – All is Well)

இயல்பான வானிலையைக் குறிக்கிறது. பொதுமக்கள் அல்லது அரசு அமைப்புகள் எந்த சிறப்பு நடவடிக்கையும் எடுக்கத் தேவையில்லை.

மஞ்சள் (Yellow – Be Aware)

வானிலையில் மோசமான மாற்றம் ஏற்பட வாய்ப்புள்ளது என்பதைக் குறிக்கிறது. ​இது பல நாட்களுக்குத் தொடரக்கூடிய லேசான மழை அல்லது வெப்ப அலையைக் குறிக்கலாம். பொதுமக்கள் வானிலை தகவல்களைத் தொடர்ச்சியாகக் கவனிக்க வேண்டும்.

ஆரஞ்சு (Orange – Be Prepared)

மிகவும் மோசமான வானிலை நிலவுவதற்கான சாத்தியக்கூறுகள் அதிகம் என்பதைக் குறிக்கிறது. ​கனமழை, பலத்த காற்று, மின்சாரம் மற்றும் போக்குவரத்துத் தடை ஏற்பட வாய்ப்புள்ளது. பேரிடர் மீட்புக் குழுவினரும் பொதுமக்களும் தேவையான முன்னெச்சரிக்கை ஏற்பாடுகளுடன் தயார் நிலையில் இருக்க வேண்டும்

சிவப்பு (Red – Take Action)

மிகக் கடுமையான மற்றும் ஆபத்தான வானிலை நிகழ்வைக் குறிக்கிறது. ​அதி கனமழை, புயல் அல்லது வெள்ளப் பெருக்கு ஏற்படும் சூழலில் இது வெளியிடப்படுகிறது. உயிர்களையும் உடைமைகளையும் பாதுகாக்க உடனடியாகப் பாதுகாப்பு நடவடிக்கைகளைத் தொடங்குவது அவசியம்