டின்பிஸ்சி மற்றும் யுபிஸ்சி போட்டி தேர்வுகளுக்கான அன்றாட நிகழ்வுகள் -20.10.2026

உலக வங்கி மற்றும் ஐ.எம்.எஃப் (World Bank & IMF) 2027 தலைவர் பதவி

2027-ஆம் ஆண்டுக்கான உலக வங்கி குழு மற்றும் பன்னாட்டு நிதியம் (IMF)-ன் ஆளுநர்கள் வாரியத்தின் தலைவராக பாகிஸ்தான் தேர்ந்தெடுக்கப்பட்டுள்ளது. (இது இவ்வமைப்புகளின் மிக உயர்ந்த முடிவெடுக்கும் அமைப்பாகும்).உலக வங்கி மற்றும் பன்னாட்டு நிதியம் (IMF) ஆகியவற்றின் 2027-ஆம் ஆண்டுக்கான ஆளுநர்கள் வாரியத்தின் (Boards of Governors) தலைவர் பதவிக்கு பாகிஸ்தான் தேர்ந்தெடுக்கப்பட்டுள்ளது.

உலக வங்கி மற்றும் ஐ.எம்.எஃப் அமைப்புகளின் இந்தத் தலைவர் பதவி என்பது ஆண்டுதோறும் சுழற்சி முறையில் (Rotation basis) நாடுகளுக்கு வழங்கப்படக்கூடிய ஒன்றாகும். இது நேரடி நிர்வாக அதிகாரங்களைக் கொண்டதல்லாமல், பெருமளவில் முறைசார்ந்த மற்றும் நெறிமுறை சார்ந்த (Ceremonial & Protocol) பதவியாகவே கருதப்படுகிறது.

பாகிஸ்தான் கடைசியாக 1953-ஆம் ஆண்டு இந்தப் பதவியை வகித்தது. தற்போது 74 ஆண்டுகளுக்குப் பிறகு மீண்டும் இந்த வாய்ப்பү கிடைத்துள்ளது.

செவ்வாய் கிரக ஆய்வும் தமிழகமும்

கேரளப் பல்கலைக்கழகத்தின் நிலவியல் துறை ஆராய்ச்சியாளர்கள் குழு, தமிழகத்தின் சில முக்கிய பகுதிகளைச் செவ்வாய் கிரகத்தின் (Mars) வளிமண்டலச் சூழலுக்கான மாதிரிகளாக (Terrestrial Analogues) அதிகாரப்பூர்வமாக அடையாளம் கண்டுள்ளனர்.

விஞ்ஞானிகள் நெய்வேலி மற்றும் திருச்சிராப்பள்ளி பேட்லாண்ட்ஸ் (Tiruchirappalli Badlands) பகுதிகளைச் செவ்வாய் கிரகத்தின் (Mars) வளிமண்டலச் சூழலுக்கான மாதிரியாக (Terrestrial Analogues) அடையாளம் கண்டுள்ளனர்.நெய்வேலி பகுதியில் காணப்படும் மெலன்டரைட் (Melanterite) மற்றும் திருச்சிராப்பள்ளி பகுதியில் உள்ள ஜிப்சம் போன்ற சல்பேட் கனிமங்கள், செவ்வாய் கிரகத்தில் இருந்த நீர் மற்றும் பாறைகளின் தன்மைகளைப் புரிந்து கொள்ள உதவுகின்றன.

புதிய உணவு பாதுகாப்பு விதிகள் 2026

நுகர்வோர் பாதுகாப்பு மற்றும் உணவுத் தரத்தை மேம்படுத்தும் வகையில் மத்திய அரசு புதிய உணவுப் பாதுகாப்பு விதிகளை அமல்படுத்தியுள்ளது.

கூடுதல் சர்க்கரைத் தடை

6 மாதங்கள் வரையிலான குழந்தைகளுக்கான ஊட்டச்சத்து உணவுகளில் சுக்ரோஸ் (Sucrose) மற்றும் ஃப்ரக்டோஸ் (Fructose) போன்ற கூடுதல் சர்க்கரைகளைச் சேர்ப்பதற்குப் பூரண தடை விதிக்கப் பரிந்துரைக்கப்பட்டுள்ளது,குழந்தைப் பருவ உடல் பருமன் (Childhood Obesity) மற்றும் தொற்றா நோய்களைத் தடுத்து, தாய்ப்பால் ஊட்டுதலை ஊக்குவிப்பதே இதன் முக்கிய நோக்கமாகும்.

FSSAI என்பது உணவுப் பாதுகாப்பு மற்றும் தரச் சட்டம், 2006 (Food Safety and Standards Act, 2006)-இன் கீழ் அமைக்கப்பட்ட ஒரு சட்டப்பூர்வ அமைப்பாகும் (Statutory Body).

வட கொரியாவின் ‘Zam-2.0’ ஆயுதம்

செயற்கை நுண்ணறிவு (AI) தொழில்நுட்பத்துடன் கூடிய நீருக்கடியில் இயங்கும் ‘Zam-2.0’ டார்பிடோ (Torpedo – நீர்மூழ்கி ஏவுகணை) ஆயுத அமைப்பை வட கொரியா அறிமுகப்படுத்தியுள்ளது

மனிதர்களின் நேரடிக் கட்டுப்பாடு இல்லாமல், தானே எதிரிகளின் இலக்குகளைத் துல்லியமாகக் கண்டறிந்து பின்தொடர்ந்து தாக்கும் திறன் கொண்டது.

கொரியா தனது கடற்படைத் திறனை மேம்படுத்தும் நடவடிக்கைகளின் ஒரு பகுதியாக, அக்டோபர் நடுப்பகுதியில் இப்பகுதியில் இதன் நீருக்கடியில் சோதனையை வெற்றிகரமாக நடத்தியுள்ளதாக அந்நாட்டின் அரசு ஊடகங்கள் அறிவித்துள்ளன.