டின்பிஎஸ்சி, யுபிஎஸ்சி போட்டி தேர்வுகளுக்கான அன்றாட நிகழ்வுகள் -15.10.2026

போட்டித் தேர்வுகளுக்குத் தயாராகும் மாணவர்களுக்கான அக்டோபர் 15, 2026 தேதிக்கான முக்கிய நடப்பு நிகழ்வுகள் (Current Affairs) சுருக்கமாக கீழே தொகுத்து வழங்கப்பட்டுள்ளன.

பிம்ஸ்டெக் (BIMSTEC) உள்துறை அமைச்சர்கள் மாநாடு

இந்தியாவில் முதல்முறையாக புதுதில்லியில் பிம்ஸ்டெக் அமைப்பின் உள்துறை அமைச்சர்களின் மாநாடு நடைபெற்றது. இதில் மனிதக் கடத்தல் தடுப்பு, தீவிரவாத நிதிப் பரிமாற்றத்தைத் தடுத்தல் மற்றும் போதைப்பொருள் கட்டுப்பாடு குறித்த முக்கிய ஒப்பந்தங்கள் ஆலோசிக்கப்பட்டன.

அக்டோபர் 13, 2026,புதுதில்லி, இந்தியா,இந்திய மத்திய உள்துறை அமைச்சர் அமித் ஷா தலைமை தாங்குகிறார்.

இம்மாநாட்டின் முடிவில் ‘தில்லி பிரகடனம்’ (Delhi Declaration) அதிகாரப்பூர்வமாக ஏற்றுக்கொள்ளப்பட்டது.

இம்மாநாட்டின் முக்கிய ஆலோசனை

வங்காள விரிகுடா பிராந்தியத்தில் எல்லை தாண்டிய குற்றங்கள், பயங்கரவாதம், மற்றும் சைபர் குற்றங்களை எதிர்கொள்ள உறுப்பு நாடுகளிடையே வலுவான ஒத்துழைப்பு.

மனிதக் கடத்தல் தடுப்பு, போதைப்பொருள் கடத்தல் தடுப்பு மற்றும் கடல்சார் பாதுகாப்பு தொடர்பான 5 புதிய பிராந்திய பாதுகாப்பு திட்டங்களுக்கு ஒப்புதல் அளிக்கப்பட்டுள்ளது.தீவிரவாத நிதிப் பரிமாற்றங்கள் மற்றும் போதைப்பொருள் வலையமைப்பைக் கண்டறிய உறுப்பு நாடுகளின் உளவு மற்றும் சட்ட அமலாக்க முகமைகளிடையே நேரடித் தகவல் பகிர்வை மேம்படுத்துதல்.

பிரதம மந்திரி கதிசக்தி திட்டம்

நாட்டின் பன்முக உள்கட்டமைப்பு இணைப்பை மேம்படுத்தும் நோக்கில் தொடங்கப்பட்ட ‘பிரதம மந்திரி கதிசக்தி தேசியப் பெரும் திட்டம்’ (PM GatiShakti National Master Plan) நடைமுறைப்படுத்தப்பட்டு 5 ஆண்டுகள் நிறைவடைந்துள்ளன.

தொடக்க நாள்: அக்டோபர் 13, 2021

நோக்கம்: நாட்டின் உள்கட்டமைப்பு திட்டங்களை (Infrastructure Projects) ஒருங்கிணைந்து திட்டமிடுதல் மற்றும் சரக்கு போக்குவரத்துச் செலவைக் (Logistics Cost) குறைத்தல்.

கதிசக்தியின் 7 தூண்கள்

இத்திட்டம் நாட்டின் உள்கட்டமைப்பை மேம்படுத்த 7 முக்கியக் காரணிகளை அடிப்படையாகக் கொண்டு செயல்படுகிறது:

• ரயில்வே (Railways)
• ​சாலைகள் (Roadways)​
• விமான நிலையங்கள் (Airports)​
• துறைமுகங்கள் (Ports)​
• பொதுப் போக்குவரத்து (Mass Transport)​
• நீர்வழிகள் (Waterways)​
• சரக்கு உள்கட்டமைப்பு (Logistics Infrastructure)

சாலை, ரயில்வே, மின்சாரம், தகவல் தொடர்பு போன்ற 50-க்கும் மேற்பட்ட மத்திய அமைச்சகங்கள் மற்றும் மாநில அரசுகளின் திட்டமிடலை ஒருங்கிணைக்கிறது.ஒரே இடத்தில் திட்டங்களின் தடைகளை ஆராய்ந்து உடனடி ஒப்புதல் வழங்கப்படுவதால் திட்டங்கள் காலதாமதமாவது தடுக்கப்படுகிறது.

அம்பாஜி மோகந்தால்புவிசார் குறியீடு

குஜராத் மாநிலத்தின் புகழ்பெற்ற ‘அம்பாஜி மோகந்தால்’ (Ambaji Mohanthal) பிரசாதத்திற்குப் புவிசார் குறியீடு (GI Tag) வழங்கப்பட்டுள்ளது,அக்டோபர் 8, 2026 (சான்றிதழ் வழங்கப்பட்டது: அக்டோபர் 11, 2026 – நவரத்திரி விழாத் தொடக்கத்தில்)

பனஸ்கந்தா மாவட்டம், குஜராத் (51 சக்தி பீடங்களில் ஒன்றான அம்பாஜி கோயில்). ஸ்ரீ அரசூரி அம்பாஜி மாதா தேவஸ்தான அறக்கட்டளை’ (Shree Arasuri Ambaji Mata Devsthan Trust) அமைப்பு விண்ணப்பித்துள்ளது, மேலும் வகுப்பு 30 (Confectionery and Sweets வகையை சேர்ந்தது.

இந்தியாவில் புவிசார் குறியீடு 1999-ஆம் ஆண்டின் புவிசார் குறியீடுகள் (பதிவு மற்றும் பாதுகாப்பு) சட்டத்தின் கீழ் வழங்கப்படுகிறதுஒரு முறை வழங்கப்பட்ட புவிசார் குறியீடு 10 ஆண்டுகளுக்கு செல்லுபடியாகும் (அதன்பின் புதுப்பிக்கப்பட வேண்டும்).