மின்சாரக் கனவுக்கன்னியின் பிறந்தநாள்

“அட உலகை ரசிக்க வேண்டும் நான்
உன் போன்ற பெண்ணோடு

வெண்ணிலவே வெண்ணிலவே
விண்ணை தாண்டி வருவாயா
விளையாட ஜோடி தேவை”

1997ல 23 வருஷத்துக்கு முன்னாடி வந்த பாடலுக்கு இன்னும் பௌசும் குறையல இந்த பாடலுக்கு நடித்த கதாநாயகியோட பௌசும் குறையல. என்னடா சம்பந்தமே இல்லாம ஆஜராகரேனே பார்க்கிறீங்களா! வேற ஒன்னும் இல்லங்க இன்னைக்கு கஜோலோட பிறந்தநாள்.

5 ஆகஸ்ட் 1974 பிறந்து இருக்காங்க கஜோல் முகர்ஜி தற்போதைய கஜோல் தேவ்கன். பிரமாதமான திரை பின்னணியோட பிறந்திருக்காங்க கஜோல். அவங்க அம்மா கதாநாயகி அவங்க அப்பா படம் தயாரிப்பாளர் அதுமட்டுமில்லாமல் பெங்காலி மராட்டி காம்பினேஷன்ல பிறந்து இருக்காங்க கஜோல்.

இப்படி சூப்பரான பின்னணியோடு பிறந்த இவங்க 17 வயசுலேருந்து நடிக்க ஆரம்பிச்சு 1992ல தன்னோட 18 வயசுல முதல் படம் பெகுடி ரிலீஸாயிருக்குங்க. இந்தப் படத்துல அவங்க அம்மாவே அம்மா கதாபாத்திரத்தில நடிச்சிருக்காங்க. முதல் படம் ஹிட் ஆகலனாளும். இவங்களோட நடிப்பு பெருசா பேசப்பட்டது.

அடுத்த வருடமே சூப்பர் டூப்பர் ஹிட் தர ஆரம்பிச்சாங்க. மற்ற திரைப்படங்கள்ல பல நகைச்சுவைக் காட்சிகள்ல ஹிந்தி பேச சொன்னா இவங்களோட படம் பேருதாங்க சொல்லுவாங்க தில்வாலே துல்ஹனியா லே ஜாயங்கே, குச் குச் ஹோத்தா ஹை, ஹம் ஆப்கே தில் மே ரெஹ்தே ஹைன், கபி குஷி கபி காம் இப்படி சொல்லிக்கிட்டே போகலாம்.

1997ல தமிழ்ல நடிச்சவங்க 20 வருஷம் கழிச்சு அதே ஸ்டைலோட 2017 விஐபி2 படத்துல தனுஷோட வில்லியா சூப்பராக தமிழ் திரையுலகத்துல ரீ-என்ட்ரி கொடுத்தாங்க. 1992-2020 இருபத்தெட்டு வருஷமா பயணச்சிட்டு இருக்க இவங்க எல்லா வருடமும் குறைஞ்சது ஒரு படத்தில இருந்து இரண்டு படம் இந்தி திரை உலகத்தில தொடர்ந்து கொடுத்துட்டு வராங்க. இவங்களோட திரையுலக பயணத்தில ரெண்டே படம் தாங்க தமிழ்ல நடிச்சிருக்காங்க.

1999 பாலிவுடோட முன்னணி கதாநாயகரான அஜய் தேவ்கனை திருமணம் செஞ்சு இவங்களுக்கு இரண்டு குழந்தைங்க இருக்காங்க. 2011 பத்மஸ்ரீ விருது பெற்று இருக்காங்க கஜோல்.

மக்களே கஜோலுக்கு பிறந்தநாள் நல்வாழ்த்துக்கள் சொல்லிடுங்க.