மக்களே கொண்டாடும் சூரரைப் போற்று நாயகனின் பிறந்த நாள்

#சூர்யா

#Suriya

நாடே கொண்டாடும் வகையில் இவரின் பிறந்தநாள் அமைந்திருக்கிறது என்று சொன்னால் மிகையாகாது. இவர்! யார் அந்த இவர்? என்டர்டெய்ன்மென்ட் என்ற வார்த்தைக்கு எடுத்துக்காட்டாக திரையுலகில் ரவுண்டு வரும் நம்ம சூர்யா தாங்க‌.

சரவணன் சிவகுமார்

23 ஜூலை 1975 சரவணனாக பிறந்த நம்ம சென்னை பையங்க. இவர் சிவகுமாரோட பையன்னு வெளிக்காட்டாமல் ஒரு ஆடை ஏற்றுமதித் தொழிற்சாலையில் எட்டு மாதம் போல வேலை பார்த்துட்டு இருந்தாரு. ஆனால் திரையுலகத்தில இருக்கவங்க இவர சிவகுமார் பையன் கண்டுபிடிச்சுட்டாங்க.

1995ல நம்ம தல அஜித் நடித்த ஆசை படத்திற்கு சரவணன் கேட்டதற்கு நடிப்புல பெரிசா ஆர்வம் இல்லாததுனால அவரு மறுத்துட்டாரு. அதே இயக்குனர் வசந்த் நேருக்கு நேர் படத்துக்கு மறுபடியும் சரவணனை கேட்டதற்கு அவர் கிரீன் சிக்னல் போட்டு திரையுலக பயணத்தை தொடங்கினார்.

சரவணனிலிருந்து சூர்யாவாக மாற்றியது நம்ம இயக்குனர் மணிரத்னம் தாங்க. பல படங்கள்ல அவரோட கதாபாத்திரத்தின் பெயரும் சூர்யாவாகவே இருந்துச்சு.

திரை பயணம்

1997-2020 23 வருஷமா சூப்பரா கலக்கலா திரைப் பயணத்தை தொடர்ந்து வாராரு நம்ம சூர்யா. பாலாவோட நந்தா படத்தில தன்னுடைய கேட்டப்ப புதுவிதமாக சித்தரித்து தனக்கென ஒரு தனி பாணியை அமைச்சாரு சூர்யா. டபுள் அக்ஷன் ட்ரிபிள் அக்ஷன்னு எல்லாவிதமான படங்களையும் ஒரு கைப் பார்த்தவர் இப்போ கை நெறைய படம் பட்டியல் வச்சிருக்காரு.

இவரோட படம் அனைத்தும் நெஜமா நடக்கிற மாதிரி எல்லாமே சித்தரிக்கப்பட்டு செம பிரபலம் ஆயிட்டாரு சூர்யா. இந்திய பிரபலங்கள் வருவாய் அடிப்படையில எடுக்கும் பார்பிஸ் இந்தியா பட்டியல்ல ஆறுமுறை சூர்யாவோட பேரு வந்திருக்கு. இவரோட சமூகப் பணி தனி லெவல்ல பாராட்டத்தக்கது.

சிடிபி

சூர்யாவை வெறுப்பவர்கள் இல்லாமல் ரசிகர் பட்டாளம் மட்டுமே இருப்பது இவரோட பிளஸ் பாயிண்ட். இந்த வருடம் காமன் டிஸ்ப்ளே பிக்சர் சொல்லப்படுற சிடிபிய இவரோட பர்த்டே முன்னிட்டு ஜூலை 11 வெளியிட்டாங்க.

இப்படி அனைத்து மக்களும் இவரோட பர்த்டேவை கொண்டாடும் அளவுக்கு செமையா இவர பிரபலப்படுத்திட்டாங்க நம்ம நெட்டிசன்கள். இவரோட பர்த்டே ட்ரீட் என்னென்ன தெரியுமா!

சூர்யாவோட வெளிவரப்போகும் சூரரைப் போற்று படத்தில இருந்து ஒரு காணொளி பாடல்ங்க. ஜி. வி. பிரகாஷ் இசையமைநனத்திருக்கும் இந்தப் படத்தோட காட்டுப் பயலே பாடலோட ஒரு நிமிஷம் வீடியோ இணையதளத்தில் சூர்யாவோட பர்த்டேவான இன்னிக்கி காலைல பத்து மணிக்கு வெளியிட்டு இருக்காங்க.

சூர்யாவும் அபர்ணா பாலமுரளியும் இணைந்து நடித்திருக்கும் இந்தப் படத்துல இவங்களோட காதல சித்தரிக்கும் வகையில் இருக்கு இந்தக் காட்டுப் பயலே பாடல். மக்களே பாடல பார்த்து ரசிச்சிட்டு மனநிறைவோடு சூர்யாவுக்கு பிறந்தநாள் நல்வாழ்த்துக்களைத் தெரிவிச்சுடுங்க.