சுறாவிற்கு பிறகு விஜயுடன் நடிக்கும் தமன்னா

விஜய்யின் 50-வது திரைப்படமான சுறா கடந்த 2010ஆம் ஆண்டு வெளிவந்தது. இப்படத்தில் விஜய்க்கு ஜோடியாக தமன்னா நடித்திருந்தார். பத்து வருடங்களுக்குப் பிறகு தற்போது மீண்டும் விஜய்க்கு ஜோடியாக தமன்னா நடிக்க உள்ளார்.

இதுவரை விஜய்யை வைத்து மூன்று திரைப்படங்களை இயக்கியுள்ள ஏஆர்.முருகதாஸ் தற்போது மீண்டும் நான்காவது முறையாக விஜயின் அறுபத்தி ஐந்தாவது திரைப்படத்தில் இணைய உள்ளதாக தகவல் வெளியானது.

விஜயின் 65 வது படமான அடுத்த படத்தை இயக்குவது யார் என்று அதிகாரப்பூர்வ தகவல் இன்னும் வெளியாகவில்லை. திரை வட்டாரங்களில் வெளியாகியுள்ள தகவலின் படி, நான்காவது முறையாக ஏஆர்.முருகதாஸ் மீண்டும் விஜய்யை வைத்து படம் எடுக்க இணைய உள்ளனர்.

இது தொடர்பாக அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப் படுகின்றன. இப்படத்திற்கு இசையமைப்பாளர் தமன் இசையமைக்கவுள்ளார். இத்துடன் சன் பிக்சர்ஸ் படத்தை தயாரிக்க உள்ளதாக கூறப்படுகின்றன.

லோகேஷ் கனகராஜ் இயக்கத்தில் விஜய் நடித்துள்ள 64வது திரைப்படம் மாஸ்டர். ஊரடங்கு காரணமாக திரைக்கு வராமல் இருக்கும். இந்த படத்தை அண்மையில் பார்த்த விஜய் வெகுவாக ரசித்ததாக தகவல் வெளியாகியுள்ளன.

இத்துடன் மீண்டும் தனக்காக ஒரு கதையை தயார் செய்யுமாறு லோகேஷ் கனகராஜ் இடம் அவர் தெரிவித்ததாகவும் கூறப்படுகின்றன.

விஜய் நடிக்க உள்ள 65ஆவது திரைப்படத்தில் இவருக்கு ஜோடியாக தமன்னா நடிக்க உள்ளதாக தகவல் வெளியாகியது குறிப்பிடத்தக்கது.