விஜய் சேதுபதியோட அண்ணாத்த செய்தி என்னவாம்
துக்ளக் தர்பார் படத்தோட அடுத்த அப்டேட் ஒரு சூப்பரான பாடல் வெளியாகி இருக்கு. மக்கள் செல்வன் விஜய் சேதுபதியோட அடுத்த படம் துக்ளக் தர்பார்.
விஜய் சேதுபதியோட ஸ்டைலே வருஷத்துக்கு பல படங்கள் நடிச்சு பட்டைய கிளப்பி வெளியீடுவாங்க. அதே மாதிரி 2020லையும் பல பிளானோட இருந்த விஜய் சேதுபதி கைல 10 படங்கள் வைச்சிருக்க கொரோனா வந்து எல்லாத்தையும் கெடுத்திடுச்சுங்க. 2020 முதல் பகுதியில ஓ மை கடவுளே படத்துல கடவுளாகவே வந்து கலக்கினாரு விஜய் சேதுபதி. கடவுள் கோட் சூட் போட்டு வரலாம்னு சூப்பரா வித்தியாசமா நடிச்சிருந்தாரு.
இப்போ துக்ளக் தர்பார் படத்துல அரசியல்வாதியாக மாறி இருக்கிறாரு விஜய் சேதுபதி. மக்கள் செல்வனா திகழுபவரு அரசியலுக்கு வந்தா எப்படி இருக்கும்! அந்த நினைப்பே தூள் பறக்குதுங்க.
விஜய் சேதுபதிக்கு 42 வயசு ஆகுதுனு டப்பிங் ஷூட்டிங்கில்லையும் இப்ப ஊரடங்கு காலத்துல சின்ன சின்ன போட்டோஷூட் வெளியீட்டு இருக்கிறதுலேருந்துதாங்க தெரியுது. துக்ளக் தர்பார் டப்பிங் மட்டுமில்லாம லாபம்னு ஒரு படத்தோட டப்பிங்கும் போயிட்டு இருக்கு.
டெல்லிபிரசாத் தீனதயாளன் இந்த படத்த இயக்கியவர் பல படத்துல உதவி இயக்குனர் வேளை செஞ்சிருக்காரு. தர்பார் படத்தோட பெயருக்கு தகுந்தாப்பல பெரும் பட்டாளமே இருக்காங்க. விஜய் சேதுபதி, காற்று வெளியிடை அதிதீ ராவ், அச்சம் என்பது மடமையடா மஞ்சிமா மோகன், நானும் ரவுடிதான் வில்லன் இந்தப் படத்திலையும் வில்லனாக நடிச்சிருக்காரோனு ஒரு டவுட் இருக்கு வேற யாரும் இல்ல நம்ம பார்த்திபன் ராதாகிருஷ்ணன். இவங்களோட பகவதி பெருமாள், ராஜ், ரிஷா, சம்யுக்தா நாயர் என பலர் நடிச்சிருக்காங்க.
செவன் ஸ்கிரீன் ஸ்டூடியோஸ் தயாரிப்பில் போன மாசம் இந்தப் படத்தோட ஃபர்ஸ்ட் லுக் போஸ்டர இணையதளத்தில் வெளியிட்டவங்க இந்த மாசம் கோவிந்த் வசந்தா இசை அமைச்சிருக்க இந்த படத்தோட ‘அண்ணாத்த செய்தி’ பாடல வரிகளோடு வெளியிட்டு இருக்காங்க. திங்க் மியூசிக் இந்த பாடலை யூடியூபில் இன்னிக்கி சாயங்காலம் அஞ்சு மணிக்கு வெளியிட்டு இருக்காங்க.
அரசியல் சம்பந்தப்பட்ட திரைப்படம்னு அவங்க வெளியிட்ட போட்டோலையும் இப்போது வெளியிட்ட பாடலையும் நல்லாவே தெரியுது. அந்தப் பாடலைப் பார்த்து கேட்டு ரசியுங்க.
