எழுச்சி பொங்கும் வைரமுத்துவின் கவிக்கு ஜிப்ரான் இசை

ஐஸ்வர்யா ராஜேஷ் மக்கள் செல்வன் விஜய் சேதுபதியுடன் இணையும் திரைப்படம் க/பெ. ரணசிங்கம். இப்படத்தின் இரண்டாவது பாடல் இன்று மாலை 5 மணிக்கு யூடியூப்பில் வெளியானது.

க/பெ. ரணசிங்கம்

ஜே. ராஜேஷ் தயாரிப்பில் இப்படத்தை பி. விருமாண்டி இயக்குகிறார். இதற்கு முன்பு இப்படத்தின் முதல் பாடலும் யூடியூப்பில் வெளியானது. அந்தப் பாடலில் மூலமே ரசிகர்களை பிடித்துவிட்டார் இப்படத்தின் இசையமைப்பாளர் ஜிப்ரான். தற்போது வெளியான கவிப்பேரரசர் வைரமுத்துவின் எழுத்தில் அடுத்த பாடல் எழுச்சிக்கரமாக இருக்கின்றது.

இன்று வெளியான பாடல் காணொளியில் மக்கள் செல்வம் விஜய் சேதுபதி ஒருமுறை கூட வராதது அவரின் ரசிகர்களுக்கு ஏமாற்றத்தை அளித்தது. எழுச்சி கொண்ட புரட்சி தமிழ் பெண்ணாக சித்தரிக்கப்பட்டிருக்கும் ஐஸ்வர்யா ராஜேஷின் ஒவ்வொரு புகைப்படமும் நம்முள்ளே எழுச்சியூட்டுகிறது.

இரண்டாவதாக வெளியான பாடலில் ஐஸ்வர்யா ராஜேஷ் கிராமப்புற பெண்ணாக விவசாயி குடும்பத்தினராக காட்சியளித்து பல பிரச்சினைகளுக்குட்பட்டு பிரச்சினைகளுக்கு நீதி கிடைக்க போராடுவது போல் சித்தரிக்கப்பட்டுள்ளது. அப்படிப்பட்ட வாழ்க்கை பயணத்தை அடித்தளமாகக் கொண்டு எடுக்கப்பட்ட படமே க/பெ. ரணசிங்கம்.

இப்படத்தில் இவர்களோடு இணையும் நட்சத்திரங்கள் இதோ; ரங்கராஜ் பாண்டே, யோகி பாபு, வேலா ராமமூர்த்தி, சமுத்திரகனி, பூ ராம் என பட்டையை கிளப்பும் பட்டாளத்துடன் ஓடிடியில் களம் இறங்கப்போகிறது.

2 அக்டோபர் 2020 டிடிஎச் மற்றும் ஓடிடியில் வெளியாகிறது மக்கள் செல்வன் விஜய் சேதுபதி மற்றும் ஐஸ்வர்யா ராஜேஷ் நடிக்கும் க/பெ. ரணசிங்கம். சமுதாயத்தில் மக்களுக்கு நடக்கும் பிரச்சினையை மையமாகக் கொண்டே இப்படம் அமைந்துள்ளது.

பல இந்திய மொழிகளில் மொழிபெயர்க்கப்பட்டு பல வெளிநாட்டு மொழிகளில் சப்டைட்டில் உருவாக்கப்பட்டு 150 நாடுகளில் பிரம்மாண்டமாக வெளியிடப்படுகிறது. மக்களே அக்டோபர் 2ற்காக காத்திருக்கிறீர்களா!