ரஷ்யாவுக்கு எதிராக பொருளாதாரத் தடை..!! முதல் நாடாக ஆக்ஷனில் இறங்கிய பிரிட்டன்..!!
உக்ரைன் எல்லையில் அதிபர் விளாடிமிர் புடினின் ஆக்கிரமிப்பு நடவடிக்கைக்கு எதிராக பிரிட்டன் அரசாங்கம் இன்று ஐந்து ரஷ்ய வங்கிகள் மற்றும் அந்நாட்டைச் சேர்ந்த மூன்று பெரும் பணக்கார தன்னலக் குழுக்களுக்கு எதிராக கடுமையான தடைகளை விதித்துள்ளது.
பிரிட்டன் பிரதமர் போரிஸ் ஜான்சன், உக்ரைனின் இரண்டு பிரிவினைவாதப் பகுதிகளுக்குள் ரஷ்யா தனது ராணுவத்தை அனுப்புவதற்கு பதிலடி கொடுக்கும் நடவடிக்கைகளுக்கு எதிராக எடுக்கப்படும் முதல் நடவடிக்கை என்று ஹவுஸ் ஆஃப் காமன்ஸில் தெரிவித்தார்.
பொருளாதாரத் தடைகள் ரோஸ்சியா, ஐஎஸ் வங்கி, ஜெனரல் வங்கி, புரோம்ஸ்வியாஸ் வங்கி மற்றும் கருங்கடல் வங்கி மற்றும் கோடீஸ்வரர்களான கென்னடி டிம்செங்கோ, போரிஸ் ரோட்டன்பெர்க் மற்றும் இகோர் ரோட்டன்பெர்க் ஆகிய மூன்று பேர் மீது பொருளாதாரத் தடை விதிக்கப்பட்டுள்ளது. இந்த மூன்று பணக்காரர்களும் ஏற்கனவே அமெரிக்கத் தடை பட்டியலில் பல ஆண்டுகளாக உள்ளனர்.
“உக்ரைனில் புடினின் முயற்சி தோல்வியடைய வேண்டும். அதற்கு முழு மேற்கத்திய கூட்டணியின் விடாமுயற்சி, ஒற்றுமை மற்றும் உறுதிப்பாடு தேவைப்படும். மேலும் அந்த ஒற்றுமை பேணப்படுவதை உறுதிப்படுத்த பிரிட்டன் தன்னால் முடிந்த அனைத்தையும் செய்யும்” என்று போரிஸ் ஜான்சன் மேலும் கூறினார்.
ரஷ்யர்கள் மற்றும் ரஷ்ய வங்கிகள் மீதான இந்த தடைகள் பிரிட்டன் பாராளுமன்றத்தில் கட்சி பாகுபாடின்றி அனைத்து கட்சி எம்பிக்களும் ஆதரவளித்தனர். பல எம்பிக்கள் புட்டினுக்கு எதிராக மேலும் நடவடிக்கை எடுக்க அழைப்பு விடுத்தனர்.
