இன்றைய ராசிபலன் மற்றும் பஞ்சாங்கம்

வெள்ளிக்கிளமையான இன்று மாரியம்மனுக்கு உகந்த நாளாகும் இன்றைய கிரக நிலவரப்படி 12 ராசிக்கான ராசிபலன்களை காண்போம்

இன்றைய பஞ்சாங்கம்

நாள் : சுபகிருது வருடம் வைகாசி மாதம் 27ஆம் தேதி வெள்ளிக்கிழமை 10.6.2022

திதி : இன்று அதிகாலை 03.16 மணி வரை தசமி. பின்னர் ஏகாதசி.

நட்சத்திரம் : இன்று அதிகாலை 12.43 மணி வரை அஸ்தம். பின்னர் சித்திரை.

நாமயோகம் : இன்று இரவு 08.23 மணி வரை வரீயான். பின்னர் பரிகம்.

கரணம் : இன்று காலை 03.16 மணி வரை கரசை . பின்னர் மாலை 02.38 மணி வரை வணிசை. பிறகு பத்தரை.

அமிர்தாதியோகம்: இன்று முழுவதும் சித்தயோகம்.

நல்ல நேரம்

பகல்: 12.30 முதல் 01.30 மணிவரை

பகல்: 01.30 முதல் 02.30 மணிவரை

மாலை: 04.30 முதல் 05.30 மணிவரை

மாலை: 06.30 முதல் 07.30 மணிவரை

தவிர்க்க வேண்டிய நேரம்

ராகு காலம்: பகல் 10.30 முதல் 12.00 மணி வரை.

எமகண்டம்: மாலை 03.00 முதல் 04.30 மணி வரை.

குளிகை: காலை 07.30 முதல் 09.00 மணி வரை.

சூலம்: மேற்கு.

பரிகாரம்: வெல்லம்.

நேத்திரம்: 2 – ஜீவன்: 0

இன்றைய ராசிபலன்

மேஷம்

காலம் தாழ்த்தி எடுக்கப்படும் முடிவுகள் நல்ல பலனைத் தரும். கட்டுமானத் துறையில் புதிய காண்ட்ராக்ட்கள் கிடைக்கும். ஆன்லைன் வர்த்தகங்களில் அவசரம் காட்ட வேண்டாம். பங்குச் சந்தை வியாபாரம் பாதகமான நிலையில் உள்ளது. உறவினர்கள் உங்களுக்கு எதிராக சூழ்ச்சி பண்ணுவார்கள். வியாபாரத்தில் புதிய பொருட்களை அறிமுகப்படுத்துவீர்கள்.

ரிஷபம்

கைக்குழந்தைகளை வியர்வைச் சளி பிடிக்காமல் பார்த்துக் கொள்ளுங்கள். தாய்மாமன் வகையில் உதவி கிடைக்கும். ரியல் எஸ்டேட் தொழில் சுணக்கமாக காணப்படும். அரசு வேலையில் அழுத்தம் அதிகரிக்கும்.தனியார் துறையில் விடுமுறை கிடைக்காமல் தடுமாறுவார்கள். கணவன் மனைவிக்கிடையே மனக்கசப்பு உருவாகலாம்.

மிதுனம்

விளையாட்டாக வாங்கிப்போட்ட நிலம் நல்ல விலைக்கு விற்கும். புதிய ஆர்டர்கள் மூலம் நல்ல கமிஷன் பெறுவீர்கள். நீங்கள் கேட்ட பொருளை வெளிநாட்டில் இருந்து உங்கள் நண்பர் வாங்கி அனுப்புவார். பிள்ளைகளின் எதிர்காலத்திற்காக எல்ஐசி பாலிசி எடுப்பீர்கள். ஆன்லைன் வர்த்தகங்கள் அமோக பலனைத் தரும். ஐடி துறையில் வேலை பார்ப்பவர்களுக்கு சம்பள உயர்வு கிடைக்கும்.

கடகம்

பகல் இரவு பார்க்காமல் குடும்பத்திற்குப் பாடுபடுவீர்கள். உங்கள் உழைப்பை துணைவியார் புரிந்து கொள்ளமாட்டார். பூர்வீகச் சொத்தை பாகப்பிரிவினை செய்யும்படி சகோதரர் வற்புறுத்துவார். தேவையில்லாமல் பேசி ஊர்ப் பகையை இழுக்காதீர்கள். உங்கள் வார்த்தைக்கு பிள்ளைகள் கூட கட்டுப்பட மறுப்பார்கள். சிலருக்கு மூட்டு வலி அதிக சிரமத்தைத் தரும். கடன் தொல்லை அதிகரிக்கும்.

சிம்மம்

வீட்டிற்கு வேண்டிய பொருட்களை வாங்கிப் போடுவீர்கள். இடம் வாங்கி மாற்றி விடுவதன் மூலம் இருமடங்கு லாபம் பார்ப்பீர்கள். உழைப்பால் உயரதிகாரிகளின் மனதைக் குளிர வைப்பீர்கள். ஆசைப்பட்ட நகைகளைப் பெண்கள் வாங்குவார்கள். புதிய வாகனம் வாங்க பதிவு செய்வீர்கள். ஐடி துறை ஊழியர்கள் அபார வளர்ச்சி அடைவார்கள். பணவரவு தாராளமாக இருக்கும்.

கன்னி

வயிற்றுக் கோளாறால் பயணத்தைத் தள்ளிப்போடும் நிலை ஏற்படும். குடும்பத்தினருடன் அன்பாக நடந்து கொள்ளுங்கள். வியாபாரம் ஏற்ற இறக்கமான நிலையில் காணப்படும். கேட்ட இடத்தில் இருந்து பணம் கைக்கு வர தாமதமாகும். அரசுத்துறை வேலைகள் மெதுவாக நடக்கும். வேலைப்பளு காரணமாக ஐடி ஊழியர்கள் டென்ஷன் ஆவார்கள்.

துலாம்

அடுத்தவரின் ஆலோசனையைக் கேட்டு அவசரப்பட்டு காரியத்தில் இறங்க வேண்டாம். ஆன்லைன் விளையாட்டுகள் ஆபத்தை உண்டாக்கும். கொடுக்கல் வாங்கல் விஷயத்தில் எச்சரிக்கை தேவை. வாங்கிய கடனைக் கொடுக்காவிட்டால் அவமானத்தைச் சந்திக்க நேரிடும். தொழிற்சாலைகளில் கவனமாக வேலை செய்ய வேண்டும். வங்கி வேலையில் தாமதம் உண்டாகும்.

விருச்சிகம்

நீண்டகாலமாக இழுபறியில் இருந்த தாய்வழிச் சொத்து விற்பனை ஆகும். உங்களுக்கு உரிய பங்கு கைக்கு வந்து சேரும். தொழிலுக்குத் தேவையான அரசாங்க உதவி கிடைக்கும். மருத்துவர்கள், இன்ஜினியர்கள் அதிக லாபம் அடைவார்கள். பங்குச்சந்தை வியாபாரம் ஏற்றமாக இருக்கும். வெளியூர்ப் பயணங்கள் வேண்டிய அனுகூலத்தைத் தரும். செல்வாக்கு உயரும்.

தனுசு

புதிய வீடு கட்டுவதற்கான ஏற்பாடு செய்வீர்கள். ரியல் எஸ்டேட் தொழிலில் எதிர்பாராத லாபம் கிடைக்கும். ஆன்லைன் வர்த்தகத்தில் ஆதாயம் உண்டு. ஐடி ஊழியர்கள் வருமானம் அதிகரித்து மகிழ்ச்சி அடைவார்கள். வாகனம் வாங்குவதற்கான யோகம் உள்ளது. குடும்பத்தில் சுபநிகழ்ச்சிகள் நடக்கும். மனைவி, பிள்ளைகளின் ஆசைகளை நிறைவேற்றுவீர்கள்.

மகரம்

நாக்கும் வாக்கும் உங்கள் கட்டுப்பாட்டில் இருக்கட்டும். ஆத்திரப்பட்டுப் பேசினால் உறவுகளில் விரிசல் ஏற்படும். தகப்பனாருக்கு மருத்துவச் செலவு செய்வீர்கள். வெளியூர்ப் பயணங்களால் அதிக பயன் கிடைக்காது. உறவினர்களுக்காக விரயச் செலவு செய்வீர்கள். வியாபாரம் சற்று சறுக்கலாக இருக்கும். தொழில் துறைகளில் போட்டிகள் ஏற்பட்டு சிரமத்தை உண்டாக்கும்.

கும்பம்

எடுத்த காரியத்தில் ஏதாவது தடங்கல் உண்டாகும். வெயிலின் கொடுமையால் உடல்நிலையில் பாதிப்பு ஏற்படும். வியாபாரத்தில் எதிர்பார்த்த லாபம் கிடைக்காது. அரசு ஊழியர்கள் கடுமையாகப் பணியாற்ற வேண்டும். முதலாளிகளின் கோபத்திற்கு ஆளாகாதீர்கள். உங்களின் ஆத்திரத்தை குடும்பத்தில் காட்டாதீர்கள். சந்திராஷ்டமம் நாள். எச்சரிக்கை தேவை.