சிம்பு பரத் பிக் பாஸ் சீஸன் 4 போட்டியாளரா!
கொரோனா வைரஸ் தடுப்பூசிக்கு காத்திருக்கிறீர்களா! பிக் பாஸ் சீசன் நான்கிற்காக காத்திருக்கிறீர்களா! வாழ்க்கை என்பது மாற்றங்கள் நிறைந்தது. என்ன வாழ்க்கைடா இது? என்பது மாறி இதுதாண்டா வாழ்க்கை என்று கூறுவதே மனித இயல்பு.
அறிவியலால் கண்டறியப்பட்ட பல நோய்கள் இருப்பினும் இந்த கொரோனா தொற்று நோய் என்பது மனித வாழ்க்கையில் ஒரு அங்கமாக மாறி மக்கள் அதனை சாதாரணமாக கொண்டு இயல்பு வாழ்க்கைக்குத் திரும்பியுள்ளனர். நோயின் வீரியம் குறையவில்லை நோயினால் ஏற்பட்ட பயத்தின் வீரியம் தான் குறைந்துள்ளது.
பூராடம் எப்போது முடியுப் போகுது என்ற கேள்விக்கு பதில் யாருக்கும் தெரியாத நிலையில் இருக்க மக்கள் புரிந்து கொண்டது ஒன்றே ஒன்று தான் இந்த நோய் தொற்றைப் பற்றி அறிந்து கொண்ட நாம் விழிப்புணர்வுகள் மற்றும் முன்னெச்சரிக்கைகள் அனைத்தையும் பின்பற்றி நம் இயல்பு வாழ்க்கையில் மேற்கொள்ள வேண்டும். முக கவசம் சனிடைசர் நம் வாழ்க்கையின் அங்கமாக மாறிவிட்டது.
ஊரடங்கு என்றாகிவிட்ட பின் நம் பொழுதுபோக்கிற்கு வழிகளைத் தேடிக் கொள்வதில் தவறொன்றும் இல்லையே!
பிக் பாஸ் சீசன் 4
விஜய் டெலிவிஷனின் மிகப்பெரிய அறிவிப்பான பிக் பாஸின் அடுத்த சீசன் வரப்போகிறது என்ற செய்தி ஊரடங்கில் போர் அடித்துக் கொண்டிருக்கும் மக்களுக்கு பெரிய பொழுதுபோக்காக அமைந்தது.
ஒரு வாரத்திற்கு முன் வந்த பிக் பாஸ் சீசன் 4 போரோமோவில் ஊரடங்கு பாடங்கள் அடங்கி அமர்க்களமாக வெளியிடப்பட்டது. உலகநாயகன் பின்னணி இசையுடன் சிறு நடனத்தை ரசிக்க ரசிக்க நாட்கள் கழிகிறது என மக்கள் விமர்சித்து வருகின்றனர்.
வாழ்க்கையில் அன்றாட பார்க்கக் கூடிய விஷயங்களை சித்தரிக்கப்பட்டு இருப்பதால் மக்கள் வாழ்க்கையில் நடப்பதோடு ஒற்றுமை செய்தும் கொள்கின்றனர். பல வீடுகளில் பிக் பாஸ் ஏற்கனவே ஆரம்பித்து விட்டது.
மக்கள் நடுவில் பெரிதாக டிக் டாக் போன்ற காணொளியாக செய்யப்படுவது உலகநாயகனின் பிக்பாஸ் காணொளி தான். அதற்கு சான்றாக வானொலி தொகுப்பாளரான விக்னேஷ் காந்த் உலகநாயகன் கமலஹாசனை பிக் பாஸ் சீசன் 4 ப்ரோமோவில் வருவதுபோல் மிமிக் செய்துள்ளார்.
தற்போது ட்ரெண்டிங்காக இருப்பது பிக் பாஸ் சீசன் 4ல் வரப்போகும் போட்டியாளர்கள் யார்? என்பது தான். எரியிற நெருப்பில் எண்ணெய் ஊற்றுவது போல் விஜய் டெலிவிஷன் மக்களிடையே இந்த கேள்வியை எழுப்பி உங்களின் கணக்கு எங்களுடைய கணக்கோடு சரியாக இருக்கிறதா என்று பார்க்கலாம் என்பதுபோல் சமூக வலைத்தளத்தில் கேள்வி எழுப்பியுள்ளனர்.
விஜய் குடும்பத்திலிருந்து சிலர் இந்த நிகழ்ச்சியில் பங்கு கொள்வது அனைவருக்கும் தெரிந்த விஷயம். அந்தப் பகுதியில் புகழ் ரம்யா பாண்டியன் பெரிதாக எதிர்பார்க்கப்படும் போட்டியாளர்கள். திரையுலகில் பிரபலமாகிக் கொண்டு வரும் வாணி போஜன் மற்றும் ரக்ஷன் பட்டியலில் இருப்பாரா என்ற கேள்வி பலரிடையே உள்ளது.
நடிகர் சிம்பு விஜய் டிவியில் பல நிகழ்ச்சிகளில் பங்கு கொண்டு வரவதும் தற்போது வெற்றிகரமான பெரிய படங்கள் கொடுக்காத நிலையில் இருக்க இந்த தளம் பெரிய தளமாக அமையும் படி இவர் போட்டியாளராக வருவாரோ என்ற சந்தேகமும் நிலவி வருகிறது.
மேலும் இன்று பரத் நிவாஸின் புதிய வெப்சீரிஸ் ட்ரெய்லர் வெளியான நிலையில் கண்ணாடியை பிடித்துக்கொண்டு ஒரு புகைப்படத்தை வெளியிட்டு இவர் பிக் பாஸ் போட்டியாளராக வருவாரோ என்ற ஆவலை எழுப்பி உள்ளார். எது எப்படியோங்க வனிதா விஜயகுமார் கெஸ்ட் ரோல்ல கண்டிப்பாக வருவாங்கனு மட்டும் எல்லாருக்குமே தெரிந்தது.
