ஒரே நாளில் 81 கைதிகளுக்கு தூக்கு தண்டனை
சவூதி அரேபியாவில் கொலைகள் முதல் போராளிக் குழுக்களைச் சேர்ந்தவர்கள் வரையிலான குற்றங்களில் ஈடுபட்ட 81 பேருக்கு ஒரே நாளில் மரண தண்டனை நிறைவேற்றப்பட்டது. 1979 ஆம் ஆண்டு மக்காவில் உள்ள பெரிய மசூதியைக் கைப்பற்றியதாக குற்றம் சாட்டப்பட்ட 63 போராளிகளுக்கு ஜனவரி 1980 இல் நிறைவேற்றப்பட்ட வெகுஜன மரணதண்டனையின் எண்ணிக்கையைக் விட இது அதிகமானது என கூறப்படுகிறது.
சல்மான் மன்னர் மற்றும் அவரது உறுதியான மகன் பட்டத்து இளவரசர் முகமது பின் சல்மான் ஆகியோரின் கீழ் உள்ள சவூதி அரேபியாவில் குற்றம் செய்பவர்களுக்கு கடுமையான தண்டனைகள் வழங்கப்பட்டு வருகிறது. இருந்த போதிலும் கொரோனா வைரஸ் தொற்றுநோய்களின் போது சவுதி அரேபியாவில் நிறைவேற்றப்படும் மரண தண்டனைகள் குறைவக இருந்தது.
இந்நிலையில் சவூதி அரசின் செய்தி நிறுவனம் வெளியிட்ட தகவலில், அப்பாவி ஆண்கள், பெண்கள் மற்றும் குழந்தைகளைக் கொன்ற குற்றவாளிகளுக்கு ஒரே நாளில் மரண தண்டனை விதிக்கப்பட்டதாக அறிவிக்கப்பட்டுள்ளது. தூக்கிலிடப்பட்டவர்களில் சிலர் அல்-கொய்தா, இஸ்லாமிய அரசு குழு உறுப்பினர்கள் மற்றும் ஏமனின் ஹவுதி கிளர்ச்சியாளர்களின் ஆதரவாளர்கள் என்றும் கூறப்பட்டுள்ளது. சர்வதேச அளவில் அங்கீகரிக்கப்பட்ட அரசாங்கத்தை மீண்டும் அதிகாரத்தில் அமர்த்தும் முயற்சியில் அண்டை நாடான ஏமனில் 2015 ஆம் ஆண்டு முதல் சவூதி தலைமையிலான கூட்டணி ஈரான் ஆதரவு ஹவுதிகளுடன் போராடி வருவது குறிப்பிடத்தக்கது.
