பாகுபலி அடுத்து ஆதிபுருஷ்ஷில் பாக்கலாமுங்க்

“காலையில் தினமும்
கண் விழித்தால் நான்
கை தொடும் தேவதை
அம்மா”

இந்த பாடலை ரீமேக் செய்தோமாயின்;

காலையில் தினமும்
கண் விழித்தால் நான்
கை தொடும் கேட்ஜெட்
கைபேசி தான் மா!

மக்கள் எல்லோரும் இந்த பாடலை ஆமோதிப்பார்கள் என்று நினைக்கிறேன். ஏனென்றால் கைப்பேசி இல்லாத உலகத்தை தற்போது யாரும் வாழவில்லை. காலை வணக்கம் முதல் இரவு வாழ்த்துக்கள் வரை அனைத்தும் சுமார்ட் போனிலேயே நடக்கிறது.

இன்று கண்விழித்தபோது கைபேசியில் கிடைத்த தகவல் ஆதிபுருஷ் பற்றிய புது அப்டேட்.

ஆதிபுருஷ்

18 ஆகஸ்ட் 2020 நடிகர் பிரபாஸ் தன்னுடைய சமூக வலைதளப் பக்கங்களில் இந்தப் படத்தைப் பற்றிய முதல் செய்தியை வெளியிட்டார். அரசல்புரசலாக இந்தி இயக்குனருடன் கைகோர்க்கும் பிரபாஸ் என்ற செய்தி வந்து போக ஆதிபுருஷ் படத்தைப் பற்றி அதிகாரப்பூர்வமாக கூறினர் இப்படத்தின் குழுவினர்.

தானாஜி என்னும் இந்தி படத்தின் மூலம் பெரிய அளவில் பிரபலமான இயக்குனர் ஓம் ரவுத் இந்தப் படத்தை இயக்குகிறார். ஹிந்தி இயக்குனரும் தெலுங்கு நடிகரும் இந்தப் படக் குழுவில் இருப்பதால் இப்படம் இந்தி மற்றும் தெலுங்கு என இருமொழிகளில் மட்டுமே வெளியாகும் என்ற யூகத்தை தகர்க்கும் விதமாக இப்படத்தின் தகவல்கள் பிரம்மிப்பை உண்டாக்குகிறது.

3டி ஆக்ஷன் டிராமா படமான ஆதிபுருஷ் ஹிந்தி தமிழ் மலையாளம் கன்னடம் தெலுங்கு மற்றும் சில வெளிநாட்டு மொழிகளில் உருவாக்கப்படுகிறது.

திரைப்பட கரு

அதிகாரபூர்வமான தகவல் வெளியிட்ட இப்படத்தின் குழுவினர் அற்புதமான போஸ்டருடன் தெரிவித்தனர். அந்த போஸ்டரில் ஏ என்ற ஆங்கில எழுத்து கூடிய வடிவில் படங்கள் பொறிக்கப்பட்டு அழகாக காட்சியளித்தது. அந்த போஸ்டருடன் ‘கெட்டதை வென்ற நல்லதை கொண்டாடுகிறோம்’ என்றும் கூறியிருந்தனர்.

ஆதிபுருஷ் என்ற இப்படத்தின் பெயர் ஆதி புருஷரான ஸ்ரீராமரை குறிக்கும் வகையிலும் இத்திரைப்படம் ராமாயணத்தை அடித்தளமாக கொண்டு இயக்கப்படுகிறது என்ற தகவலும் தெரிந்தது.

அப்டேட்

3 செப்டம்பர் 2020 இத்திரைப்படத்தின் முக்கியமான கதாபாத்திரத்தில் நடிக்கும் நடிகரை இன்று இப்படத்தின் குழுவினர் சமூக வலைத்தளங்களில் தெரிவித்துள்ளனர். இன்று தகவல் வெளியிடுவதை பற்றி நேற்று மக்களிடையே எதிர்பார்ப்புகளை தூண்டும் விதமாக செய்தியை வெளியிட்டனர் இப்படத்தின் குழுவினர்

ஆதிபுருஷ் கதாபாத்திரத்தில் பிரபாஸ் நடிக்கும் தகவல் முன்பே தெரிய லங்கேஷ் என்ற வில்லன் கதாபாத்திரத்தில் ஹிந்தி திரையுலகில் முன்னணி நடிகரான சைஃப் அலிகான் நடிக்கப் போகிறார் என்ற தகவல் இன்று வெளியானது.

லங்கேஷ் என்ற பெயரிலேயே ராவணனின் கதாபாத்திரத்தை ஏற்றுள்ளார் என்பது தெரிகிறது. இந்த அறிவிப்பை ஒரு படத்துடன் வெளியிட்டு இப்படத்தின் குழுவினர் ‘7000 வருடங்களுக்கு முன்பு வாழ்ந்த புத்திசாலியான ராட்சசன்’ என அந்தக் கதாபாத்திரத்தைப் பற்றி ஒரு வரியில் கூறியுள்ளனர்.

சாஹோ, இரண்டு பாகங்கள் கொண்ட பாகுபலி போன்ற பிரம்மாண்டமான படங்களை நடித்த பிரபாஸ் பெரும் எதிர்பார்ப்பை மக்களிடையே ஏற்படுத்தி உள்ளார். புராணக் கதையுடன் 3டி வடிவத்துடன் பிரபாஸ் தற்போது வெளியான போஸ்டரிலேயே பட்டையைக் கிளப்பும் வகையில் காட்சியளிக்க அவரின்
ஆதிபுருஷ் படத்திற்காக ரசிகர்கள் அனைவரும் காத்திருக்கின்றனர்.