மனசு ரெம்ப வலிக்குது:- கதறும் அஜித் ரசிகர்கள்…!

நடிகர் அஜித் நடிப்பில் உருவாகியுள்ள வலிமை திரைப்படம் கொரோனா பரவல் காரணமாக ஒத்திவைக்கப்படுவதால் மனசு ரெம்ப வலிக்குது என போஸ்டர் ஒட்டி கவலையை வெளிப்படுத்தியுள்ளனர்.

இயக்குநர் வினோத் தயாரிப்பில், நடிகர் அஜித்குமார் நடிப்பில் வெளியாகவுள்ள வலிமை திரைப்படம், பொங்கல் அன்று வெளியாகும் என படக்குழுவினர் அறிவிக்கையால் அஜித் ரசிகர்கள் உற்சாகமடைந்தனர். கடந்த 2 வருடங்களாக அஜித் நடிப்பில் எந்த படமும் வெளியாகததால், அவரது ரசிகர்கள் கடும் மன உளைச்சலில் இருந்ததாக கூறப்படுகிறது. மேலும் வலிமை படம் தொடர்பாக எந்தவித அறிவிப்பும் வெளியாகததால், பொங்கி எழுந்த அவரது ரசிகர்கள், கிரிக்கெட் வீரர்கள், அரசியல் தலைவர், என கிடைக்கும் இடங்களில் எல்லாம் வலிமை அப்டேட் வேண்டும் என தங்களது எதிர்பார்ப்பை வெளிப்படுத்தி வந்தனர்.

இதனைதொடர்ந்து நடிகர் அஜித் அவர்களிடம், இருந்து யாரும் எதிர்பாரத விதமாக அறிவிப்பு ஒன்று வெளியானது, அதாவது, கொரோனா காரணமாக படப்பிடிப்பு வேலைகளில் தொய்வு ஏற்பட்டதாகவும், விரைவில் அப்டேட் கிடைக்கும் என்றும், ரசிகர்கள் யாரும் யாரிடம் அப்டேட் கேட்க வேண்டாம் என தெரிவிக்கப்பட்டது.

மேலும் படிக்க : பூஜா ஹெக்டேவிற்கு ராதே ஷ்யாம் படக்குழுவின் பிறந்தநாள் பரிசு

இதனைதொடர்ந்து அஜித் ரசிகர்களை உற்சாகபடுத்தும் வகையில், வலிமை படத்தின் முதல் பார்வை, பாடல் என அடுத்தடுத்த அப்டேட்களை கொடுத்து ரசிகர்களை குஷிப்படுத்தினர் வலிமை படக்குழுவினர். இந்நிலையில் பொங்கல் என்று படம் திரையரங்குகளில் வெளியாகும் என அறிவிக்கப்பட்ட நிலையில், திடீரென கொரோனா பரவல் அதிகரிக்க தொடங்கியதால், மாநில அரசுகள் கட்டுப்பாடுகளை தீவிரப்படுத்தியது. இந்நிலையில் கொரோனா காரணமாக வலிமை ரிலீஸ் தேதி தற்காலிகமாக ஒத்திவைக்கப்படுவதாகவும், படம் வெளியாகும் தேதி பின்னர் அறிவிக்கப்படும் என படக்குழுவினர் சார்பாக தெரிவிக்கப்பட்டது.

இதனால் அப்செட்டில் இருந்த அஜித் ரசிகள், தங்களது ஆதங்கத்தை இணையதளங்களில் வெளிப்படுத்தி வந்தனர். அதன் ஒருபகுதியாக கோவை அஜித் ரசிகர்கள், ஏமாற்றம்,ஏமாற்றம். மனசு ரொம்ப வலிக்குது” இருந்தலும் பரவாயில்லை என போஸ்டர் மூலம் தங்களது கவலையை வெளிப்படுத்தியுள்ளனர்.

மேலும் படிக்க : இன்ஸ்டாவில் காலை உணவாக பகிர்ந்த சீமத்து ராணி