மாயமான மயில் சிலை…? கோயிலில் அதிர்ச்சி..!

சென்னை மயிலாப்பூர் கோயிலில் பழங்காலத்து மயில் சிலை திருடப்பட்டு அதற்கு பதிலாக போலியான மயில் சிலை வைக்கப்பட்டுள்ளது பக்தர்களிடம் அதிர்சியை ஏற்ப்படுத்தியுள்ளது.

சென்னையில் மிகவும் பிரபலமான மயிலாப்பூர் கபாலீஸ்வரர் கோயிலில் உள்ள புன்னைவன நாதர் சந்நிதியில் இருந்த மயில் சிலை அங்கிருந்து திருடப்பட்டுள்ளது. அதற்கு பதிலாக அங்கு போலியான சிலை ஒன்று வைக்கப்பட்டுள்ளது தற்போது தெரியவந்துள்ளது.

இதுகுறித்து தொடர்பாக விசாரணை செய்து சிலைக்கடத்தல் தடுப்பு பிரிவு மற்றும் அறநிலையத்துறை அதிகாரிகள் 6 வாரத்துக்குள் அறிக்கை வெளியிட வேண்டும் என சென்னை உயர்நீதிமன்றம் உத்தரவு பிறப்பித்திருந்தது.

இதனையடுத்து தற்போது மயில் சிலை கோயிலுக்கு வெளியே இருக்கும் குளத்தில் மறைத்து வைக்கப்பட்டு இருக்குமோ என்ற சந்தேகத்தின் பேரில், தீயணைப்புத்துறையினரின் உதவியோடு குளத்தில் இறங்கி தேட முடிவெடுத்துள்ளதாக தகவல் வெளியாகியுள்ளது.