மகனுக்கு பெயர் சூட்டிய ராக்கி பாய்
கன்னட திரையுலகில் மட்டுமே பிரபலமாக இருந்த நடிகர் யாஷ் ஒரே படத்தின் மூலம் எல்லா மக்களிடையே பிரபலமாக திகழ துவங்கினார்.
உங்களின் யூகம் சரியே கே.ஜி.எஃப். அத்தியாயம் 1. கன்னட மொழியில் 2018ல் வெளியான படமாக இருந்தாலும் வாரம் வாரம் கலர்ஸ் டிவியில் தமிழில் போட்டு தமிழ் மக்களையும் ரசிகர்கள் ஆகிவிட்டார்கள். அனைத்து மக்களும் இதனின் இரண்டாவது அத்தியாயத்திற்காக காத்திருக்கின்றனர்.
இவரைப் பற்றிய முன்னுரை கொடுக்க காரணம் இன்று இவரின் மகனிற்கு பெயர் சூட்டு விழா மிகவும் கோலாகலமாக நிறைவேறியது. அதன் காணொளியை சமூக வலைத்தளங்களில் பகிர்ந்துள்ளார் நடிகர் யாஷ்.
யாஷ் மற்றும் ராதிகா சில படங்கள் இணைந்து நடித்தனர். 2014ல் இவர்கள் இணைந்து நடித்த மூன்றாம் படம் மிஸ்டர் அண்ட் மிஸஸ் ராமாச்சாரி. அதன்பிறகு 2016 ஆகஸ்ட் மாதம் இருவருக்கும் நிச்சயதார்த்தம் முடிந்து அதே வருடம் டிசம்பர் மாதம் திருமணமும் மகிழ்ச்சியாக நிறைவேறியது.
2018 யாஷ் ராதிகா தம்பதியருக்கு பெண் குழந்தை பிறந்தது. அக்குழந்தைக்கு ஐரா என்ற பெயர் சூட்டினர். 2020ல் சமீபத்தில் ஆண் குழந்தை பிறந்தது. அக்குழந்தைக்கு இன்று பெயர் சூட்டும் விழா நடந்ததை வீடியோவாக சமூக வலைத்தளங்களில் பகிர அனைவரும் அவரவரின் அன்பையும் ஆசியையும் பகிர்ந்து வருகின்றனர்.
‘யாதர்வ்’ என்ற பெயரை சூட்டிய பின் அனைவரின் சந்தேகமும் அப்பெயரின் அர்த்தம் யாது என்பது ஆகும். அனைவரின் சந்தேகம் தீர்க்கும் வகையில் நால்வரின் புகைப்படத்துடன் பெயரின் அர்த்தத்தை கூறியுள்ளார் நடிகர் யாஷ்.
யாஷ் ராதிகா என்ற அவர்களின் பெயரில் இருந்து வார்த்தைகளை இணைத்து மகனுக்கு பெயர் சூட்டியதாக விளக்கம் அளித்துள்ளார். அம்மா அப்பா மகள் மகன் என நால்வரான பின்பு குடும்பம் முழுமையாகவும் மேலும் அந்த ஆண் குழந்தையின் பெயரின் அர்த்தம் நிறைவு என்பதே ஆகும் என அந்தப் பதிவில் கூறியுள்ளார். மக்களே அக்குடும்பத்திற்கு வாழ்த்துக்களை தெரிவித்து விடுவோம்.
