டெல்லி முதல்வர் கெஜ்ரிவாலுக்கு நாளை கொரானா டெஸ்ட்

நாடு முழுவதும் கொரானா பாதிப்புகள் எண்ணிக்கைகள் பெருமளவில் அதிகரித்து வருகின்றது. ஊர்டங்கு தளர்வும் நாட்டில் அறிவிக்கப்பட்டாகிவிட்டது. இந்த நிலையில் மக்களுக்கு அன்றாடம் கொரானா குறித்த எச்சரிக்கை தகவல்கள் கொடுத்த வண்ணம் அரசு இயங்குகின்றது. டெல்லி முதல்வர் அரவிந்த் கெஜ்ரிவால் தொண்டை வலி மற்றும் லேசான காய்ச்சல் ஏற்பட்டதை அடுத்து செவ்வாய்க்கிழமை கொரோனா வைரஸுக்கு பரிசோதனை செய்யப்படுவார் என அறிவிக்கப்பட்டுள்ளது.

ஆம் ஆத்மி கட்சி அரவிந்த் கெஜ்ரிவால் தன்னைத் தானே தனிமைப்படுத்திக் கொண்டார். டெல்லி முதல்வர் ஞாயிற்றுக்கிழமை பிற்பகல் முதல் உடல்நிலை சரியில்லாமல் இருந்தார்.அவருக்கு ஞாயிற்றுக்கிழமை பிற்பகல் முதல் லேசான காய்ச்சல் மற்றும் தொண்டை வலி உள்ளது. மருத்துவர்கள் அறிவுறுத்தியபடி, முதலமைச்சர் செவ்வாய்க்கிழமை காலை கோவிட் -19 சோதனைக்கு உட்படுத்தப்படுவார் என்று அதிகாரிகள் தெரிவித்தனர்.

இதனால் மக்கள் இன்னும் அச்சத்தில் உள்ளாகியுள்ளனர், அரவிந்த கெஜ்ரிவால் நீரிழிவு நோயாளியாவார்.

நேற்று காலை அமைச்சரவைக் கூட்டத்தில் கலந்து கொண்டார். அதன்பிறகு அவர் யாரையும் சந்திக்கவில்லை. அறிக்கைகளை உறுதிப்படுத்த ஆம் ஆத்மி கட்சியின் மூத்த தலைவர் சஞ்சய் சிங் ட்விட்டரில் கெஜ்ரிவாலின் விரைவான மீட்புக்காக பிரார்த்தனை செய்வதாக தகவல்கள் வெளியிட்டு இருந்தார்.

டெல்லி முதல்வர் அரவிந்த் கெஜ்ரிவால் ஜூன் 7 மதியம் காய்ச்சல் மற்றும் தொண்டை புண் இருப்பதாக தகவல் அளித்தார். மருத்துவர்களின் ஆலோசனையின் பேரில் அவர் தனது வீட்டில் தன்னை தனிமைப்படுத்திக் கொண்டார். அவர் நாளை கோவிட் -19 சோதனைக்கு உட்படுத்தப்படுவார், அதாவது ஜூன் 9 அன்று” என்று ட்வீட் செய்துள்ளார். இத்தகவலை மாநிலங்களவை எம்.பி. கொடுத்துள்ளார்.

ஆம் ஆத்மி எம்.எல்.ஏ ராகவ் சதாவும் ட்விட்டரில் , “அன்புள்ள அரவிந்த் கெஜ்ரிவால் – நீங்கள் எங்கள் உத்வேகம் மற்றும் ஹீரோ – கொரோனா வைரஸுக்கு எதிரான ஒரு முன்னணி போர்வீரர். டெல்லி மக்களின் நல்வாழ்வுக்கு நீங்கள் பல நல்ல மாற்றங்கள் ஏற்படுத்தியுள்ளீர்கள். நீங்கள் ஒரு சுகாதார சவாலை எதிர்கொள்ளும்போது, எங்கள் எண்ணங்கள், விருப்பங்கள் மற்றும் பிரார்த்தனைகள் உங்களுடன் உள்ளன, என்று தெரிவித்திருந்தார். டெல்லியில் அதிகரித்துவரும் கொரானா தொற்று முதல்வருக்கும் இன்று அறிகுறியாகியுள்ளதால் அரசு இதுகுறித்து தீவிரமான நடவடிக்கை எடுக்கும் என எதிர்ப்பார்க்கப்படுகின்றது. முதலமைச்சராக இருந்த பொழுது பெங்களூர் இயற்கை மருத்துவத்தில் சளி தொடர்பான பிரச்சனைகளுக்கு சிகிச்சை பெற்று சென்றிருந்தார் என்பது குறிப்பிடத்தக்கது ஆகும்.